ნათია თურნავა - მსოფლიო ბანკის „გლობალური მმართველობის ინდიკატორების“ თანახმად საქართველო ევროპის საუკეთესო ოცეულშია კორუფციის კონტროლისა და მთავრობის ეფექტიანობის მიხედვით
27-09-2021

მსოფლიო ბანკის „მსოფლიო მმართველობის ინდიკატორების“ ახალი კვლევის შედეგების თანახმად, მსოფლიოს 214 ქვეყანას შორის საქართველომ მაღალი შეფასება მიიღო ისეთ კომპონენტებში, როგორიცაა „კორუფციის კონტროლი“, „ხელისუფლების ეფექტურობა“, „კანონის უზენაესობა“, „რეგულაციების ხარისხი“ და სხვ. 

„ჩვენთვის ძალიან მნიშვნელოვანია, რომ ჩვენი ქვეყანა კვლავ ადასტურებს ერთ-ერთ ლიდერ პოზიციას და მსოფლიო ბანკის „გლობალური მმართველობის ინდიკატორების“ თანახმად, ევროპის საუკეთესო ოცეულშია კორუფციის კონტროლისა და მთავრობის ეფექტიანობის მიხედვით. ასევე ევროპის ქვეყნებს შორის მე-12-ეა „საჯარო მოხელეებისა და თანამდებობის პირების კორუფციისგან თავისუფლების“ კომპონენტში. ჩვენ საკმაოდ კარგი მიღწევები გვაქვს. ესაა ძალიან მნიშვნელოვანი იმისთვის, რომ ჩვენ რეფორმების აღებული კურსი განვამტკიცოთ“, -  აღნიშნა ნათია თურნავამ.

მინისტრმა განსაკუთრებულად გამოყო იმ საჯარო მოხელეთა ღვაწლი, რომელთა მუხლჩაუხრელი შრომის შედეგად მსოფლიო ბანკის ინდიკატორების გაუმჯობესება მოხდა. მისი თქმით, ეს ადამიანები თავისი ყოველდღიური შრომით საქართველოს საერთაშორისო იმიჯის გამყარებას უწყობენ ხელს.

აღსანიშნავია, რომ „კორუფციის კონტროლის“ მიხედვით, ზედიზედ მეოთხედ, საქართველო კონტინენტური ევროპის საუკეთესო ოცეულში, „საჯარო მოხელებისა და თანამდებობის პირების კორუფციისგან თავისუფლების“ კომპონენტში კი მსოფლიოში მე-20 და ევროპაში-მე-12 ადგილზე გავიდა. „ხელისუფლების ეფექტურობის“ კომპონენტის მიხედვით საქართველო მსოფლიო ბანკის წევრ 189 ქვეყანას შორის 38-ე ადგილზე გავიდა. კონტინენტური ევროპის ქვეყნების მიხედვით კი მე-19 ადგილით საუკეთესო ოცეულშია და უსწრებს ნატოს წევრ 12 და ევროკავშირის წევრ 8 სახელმწიფოს, მათ შორის, იტალიას, პოლონეთს, სლოვაკეთს, უნგრეთს, საბერძნეთს, ხორვატიას, ბულგარეთს და რუმინეთს. 2012 წელს გამოქვეყნებული კვლევაში „მთავრობის ეფექტიანობის“ მიხედვით საქართველო მსოფლიოში 50-ე ადგილზე იყო.

World Governance Indicators კვლევითი მონაცემები სრულად ეფუძნება სხვადასხვა გლობალურ რეიტინგებსა და შეფასებებს (მათ შორის: აშშ-ს სახელმწიფო დეპარტამენტი, Freedom House, Economist Intelligence Unit (EIU), The Gallup Organization, Bertelsmann Transformation Index (BTI), International Fund for Agricultural Development,   Varieties of Democracy Project at the University of Gothenberg and University of Notre Dame, IHS Markit, IREX Media Sustainability Index, Open Budget Index, World Justice Project და ა.შ. სულ 33 ). აღნიშნული მონაცემები თავის მხრივ ეყრდნობა კვლევითი ინსტიტუტებისა და ცენტრების, არასამთავრობო და საერთაშორისო ორგანიზაციების, კერძო სექტორის წარმომადგენლების გამოკითხვის შედეგად მიღებულ მოსაზრებებსა და შეფასებებს.


დაგვიკავშირდით

1403
2 99 11 11
2 99 11 70

შიდა აუდიტი

2 99 11 61
2 99 11 70

საქართველოს ეკონომიკისა და მდგრადი განვითარების სამინისტრო. 2021 ©