Ministry of Economic Development of Georgia > Home page

სს „ენერგო–პრო ჯორჯიამ“, მხოლოდ დისტრიბუციის კუთხით, ჯამში 94 000 000 ლარზე მეტი ინვესტიცია განახორციელა. კომპანიის მიერ გამრიცხველიანებული აბონენტების რაოდენობა, ამჟამად, 400 000 აბონენტზე მეტს შეადგენს. სს „ენერგო-პრო ჯორჯია“, საქართველოს რეგიონებში, ინდივიდუალური გამრიცხველიანების სამუშაოების წარმოებას განაგრძობს და სამ წელიწადში, აღნიშნულის მთლიანად დასრულებას გეგმავს.

ამჟამად, ინდივიდუალური გამრიცხველიანების სამუშაოები 38 სოფელში მიმდინარეობს, კერძოდ - ვარციხეში (544 აბონენტი), ნაფეტვრებში (212 აბონენტი), ქვემო ფონიჭალაში (1018 აბონენტი), ნატახტარში (346 აბონენტი), აბასთუმანში (944 აბონენტი), აგარაში (1154 აბონენტი) და კიდევ 32 სოფელში (საერთო ჯამში 25 348 აბონენტი).

მიმდინარე წლის ბოლომდე, კიდევ 122 სოფლის (61 738 აბონენტი) გამრიცხველიანება იგეგმება. ინდივიდუალური გამრიცხველიანება უკვე დასრულდა ძეგვში, ჩაქვში, ნიკორწმინდაში, ფასანაურში, ბაკურიანში და მისაქციელში.

ენერგოკომპანიის ინფორმაციით, ინდივიდუალური გამრიცხველიანება არ გულისხმობს აბონენტებისთვის მხოლოდ მრიცხველის მონტაჟს; ეს პროცესი ქსელის მასშტაბურ რეაბილიტაციას მოიცავს, რომლის ფარგლებშიც მთლიანად იცვლება ამორტიზირებული კაბელები ახალი სადენებით, ძველი ხის ბოძები – ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა.

ინდივიდუალური გამრიცხველიანების შედეგად, კომპანიის აბონენტებს ევროპული სტანდარტების შესაბამისი თანამედროვე მრიცხველები დაუმონტაჟდებათ; ინდივიდუალური მრიცხველების საშუალებით აბონენტები მოხმარებული ელექტროენერგიის კონტროლს შეძლებენ და ელექტროენერგიის საფასური საკუთარი ინდივიდუალური მრიცხველის ჩვენების საფუძველზე დაერიცხებათ.

2010 წლის 9 სექტემბერს, საქართველოს ეკონომიკისა და მდგრადი განვითარების სამინისტროში სახელმწიფო საკუთრებაში არსებული 1 ობიექტის აუქციონის წესით გაყიდვა იგეგმება.

გასაყიდი ობიექტია:

ქ. თბილისში, კაიროს ქუჩა №6-ში მდებარე, შპს „რკინაბეტონის შპალის ქარხნის“ სახელმწიფო საკუთრებაში არსებული 100%-იანი წილი, საწყისი ფასით - 6 800 000 აშშ დოლარი;

(იხილეთ ვებ‐გვერდი: www.privatization.ge).

საქართველოს სტატისტიკის ეროვნულმა სამსახურმა (საქსტატი) ბიზნეს ასოციაციებისთვის საინფორმაციო პაკეტი მოამზადა.

გაფორმებული ურთიერთთანამშრომლობის მემორანდუმების საფუძველზე საქსტატმა ყოველთვიური საინფორმაციო პაკეტების გავრცელება დაიწყო.

საქსტატის ცნობით, ინფორმაცია დარგობრივი ბიზნეს ასოციაციების კონკრეტული მოთხოვნების საფუძველზეა მომზადებული და ბიზნეს ასოციაციებს უსასყიდლოდ მიეწოდებათ.

ურთიერთთანამშრომლობის მემორანდუმი განსაზღვრავს ხელმომწერ მხარეთა შორის თანამშრომლობის პრინციპებს საქსტატსა და ბიზნეს წრეებს შორის თანამშრომლობის და სასურველი ინფორმაციის გაცვლის საფუძველზე.

საქართველოს სტატისტიკის ეროვნული სამსახური, სამომავლოდ, „ოფიციალური სტატისტიკის შესახებ“ კანონის შესაბამისად, სახელმწიფო სტატისტიკური პროგრამის ფარგლებს გარეთ მომზადებული სტატისტიკური ინფორმაციის ფასიან მომსახურებაზე ეტაპობრივ გადასვლას გეგმავს.