Daily Economic Digest [ სამშაბათი 31 აგვისტო 2010 ] : Ministry of Economic Development of Georgia

დაიჯესტი (სამშაბათი 31 აგვისტო 2010)

პრივატიზების დეპარტამენტი

30 აგვისტოს აუქციონის შედეგები

2010 წლის 30 აგვისტოს საქართველოს ეკონომიკისა და მდგრადი განვითარების სამინისტროში გამართული აუქციონის შედეგად შემოსულმა თანხამ 353 000 აშშ. დოლარი შეადგინა. აუქციონზე გამოტანილი ცხრა სახელმწიფო საკუთრებაში არსებული ობიექტებიდან გაიყიდა სამი ობიექტი.

გაყიდული ობიექტებია:

საგარეჯოს რაიონში, სოფელ გიორგიწმინდაში მდებარე შენობა-ნაგებობები და მათზე დამაგრებული 21 686 კვ.მ. მიწის ნაკვეთი: ობიეტის საწყისი ფასი შეადგენდა - 56 000 აშშ. დოლარს; გაიყიდა - 61 000 აშშ. დოლარად;

ქ. თბილისში, მუშტაიდის პარკის მიმდებარედ არსებული შენობა-ნაგებობები და მათზე დამაგრებული 840 კვ.მ. მიწის ნაკვეთი. ობიეტის საწყისი ფასი შეადგენდა - 200 000 აშშ. დოლარს; გაიყიდა - 220 000 აშშ. დოლარად;

ქ. თბილისში, ნუცუბიძის ფერდობზე არსებული შენობა-ნაგებობა და მასზე დამაგრებული 142 კვ.მ. მიწის ნაკვეთი. ობიეტის საწყისი ფასი შეადგენდა - 16 000 აშშ. დოლარს; გაიყიდა - 72 000 აშშ. დოლარად;

ვაჭრობის სექტორი

შოკოლადის ექსპორტი

2010 წლის პირველ კვარტალში საქართველოდან 12 ტონა შოკოლადის ექსპორტი განხორციელდა, რომლის საერთო ღირებულებამ 205 ათას აშშ. დოლარი შეადგინა.

აღნიშნულ პერიოდში, საქართველოდან ექსპორტი სამ ქვეყანაში განხორციელდა.

ეს ქვეყნებია:

სლოვაკეთი-107 ათასი აშშ. დოლარი (5 ტ);
აზერბაიჯანი-9,6 ათასი აშშ დოლარი (5ტ);
სომხეთი-3 ათასი აშშ. დოლარი (2ტ).

2009 წელს საქართველოდან 42 ტონა შოკოლადის ექსპორტი განხორციელდა, რომლის საერთო ღირებულება 388 ათას აშშ. დოლარი შეადგინა.

საბანკო სექტორი

2010 წლის 1 აგვისტოს მდგომარეობით, კომერციული ბანკების საკრედიტო დაბანდების მოცულობა (არარეზიდენტებზე გაცემული სესხების ჩათვლით), წინა თვესთან შედარებით, 1.1 %-ით გაიზარდა და 5,8 მლრდ ლარს მიაღწია.

ეროვნული ვალუტით გაცემული სესხების მოცულობა 1.0 %-ით (14,5 მლნ ლარით) გაიზარდა, ხოლო უცხოური ვალუტით გაცემული სესხების მოცულობა - 1.1 %-ით (47,5 მლნ ლარით).

2010 წლის ივლისის ბოლოს, რეზიდენტი იურიდიული პირებისათვის კომერციული ბანკების მიერ, ეროვნული ვალუტით გაცემული სესხების მოცულობამ 665,9 მლნ ლარი შეადგინა, ხოლო უცხოური ვალუტით 2,7 მლრდ. ლარის მოცულობის სესხი გაიცა, რაც წინა თვის ანალოგიურ მონაცემებს 1.9 %-ით აღემატება.

იურიდიული პირების დაკრედიტების მთლიან მოცულობაში ყველაზე დიდი ხვედრითი წილი – 48.3% ვაჭრობის სფეროზე მოდის. წინა თვესთან შედარებით ვაჭრობის სფეროზე გაცემული სესხების მოცულობა 1.7%-ით გაიზარდა და 1,6 მლრდ ლარს გადააჭარბა.

მრეწველობაზე გაცემულმა სესხებმა 707,0 მლნ ლარით შეადგინა, მისი წილი იურიდიულ პირებზე გაცემული ვადიანი სესხების საერთო მოცულობის 21.2%-ს შეადგენს.

მშენებლობაზე საკრედიტო პორტფელის 11.1% (369,3 მლნ ლარი) მოდის, რაც 2.2%-ით მეტია წინა თვის ანალოგიურ მონაცემზე.

იურიდიული პირების დაკრედიტების საერთო მოცულობის 80.6 პროცენტი მხოლოდ სამ დარგზე – მრეწველობაზე, მშენებლობაზე და ვაჭრობაზე მოდის.

2010 წლის ივლისის თვის განმავლობაში, რეზიდენტი ფიზიკური პირების დაკრედიტების მოცულობა 1.7%-ით ანუ 36,2 მლნ ლარით გაიზარდა და 2010 წლის 1 აგვისტოსათვის 2,2 მლრდ ლარს გადააჭარბა.