ნათია თურნავა საქართველოში საერთაშორისო სავალუტო ფონდის წარმომადგენელს შეხვდა
05-07-2019

ეკონომიკისა და მდგრადი განვითარების მინისტრი ნათია თურნავა საქართველოში საერთაშორისო სავალუტო ფონდის ახალ წარმომადგენელს სელიმ ჩაკირს შეხვდა, რომელმაც ამ პოსტზე ფრანსუა პეშო შეცვალა.  

შეხვედრაზე მხარეებმა დეტალურად განიხილეს საერთაშორისო სავალუტო ფონდის „გაფართოებული დაფინანსების მექანიზმით“ მიმდინარე პროგრამა საქართველოში, აგრეთვე საქართველოს ეკონომიკის ტენდენციები და მიმდინარე და სამომავლოდ დაგეგმილი რეფორმები. აღინიშნა, რომ პროგრამა ძალიან მნიშვნელოვანია საქართველოსთვის, რადგან საქართველოს მთავრობის რეფორმების დღის წესრიგს ეფუძნება და მხარს უჭერს ქვეყანას დასახული სტრატეგიული მიზნების მიღწევაში. 

შეხვედრაზე სავალუტო ფონდის წარმომადგენელმა დადებითად შეაფასა საქართველოს მიერ ფონდთან შეთანხმებული პროგრამის მიმდინარეობა და იმედი გამოთქვა, რომ ქვეყნის წინაშე არსებული გამოწვევების მიუხედავად, საქართველოს ეკონომიკური მაჩვენებლები შეთანხმებულ პარამეტრებში დარჩება.  

შეხვედრაზე მხარეები შეთანხმდნენ, რომ პარტნიორული ურთიერთობა საქართველოსა და საერთაშორისო სავალუტო ფონდს შორის გაგრძელდება. 

შეხვედრას დაესწრო ეკონომიკისა და მდგრადი განვითარების მინისტრის მოადგილე ეკატერინე მიქაბაძე.


დაგვიკავშირდით

2 99 11 11

შიდა აუდიტი

2 99 11 61

საქართველოს ეკონომიკისა და მდგრადი განვითარების სამინისტრო. 2017 ©