ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი აშშ-ში სამუშაო ვიზიტის ფარგლებში, აშშ-ის სავაჭრო წარმომადგენელს ქეთრინ თაის შეხვდა.
შეხვედრაზე მხარეებმა განიხილეს აშშ-სთან თავისუფალი ვაჭრობის შეთანხმების გაფორმების შესაძლებლობა. აღინიშნა, რომ აშშ-თვის, რომელიც საქართველოს მთავარი სტრატეგიული პარტნიორია, სავაჭრო პოლიტიკის დღის წესრიგი ორიენტირებულია მეტი პროდუქციის ექსპორტზე, მეტი სამუშაო ადგილის შექმნასა და ეკონომიკის ზრდის შესაძლებლობების გაფართოებაზე.
ქართული მხარის წინადადებით, ამ მოცემულობაში ყველაზე მნიშვნელოვანი და ამბიციური მიზანია ორმხრივი სავაჭრო რეჟიმის გაუმჯობესება თავისუფალი ვაჭრობის ხელშეკრულებით. აშშ-საქართველოს თავისუფალი ვაჭრობის შეთანხმება იქნება პოლიტიკური და ეკონომიკური ინტერესების ნაზავი. ასევე იქნება, რეგიონში აშშ-ს ეკონომიკური ინტერესების გაზრდის ნათელი გზავნილი, ხელს შეუწყობს საქართველოს ევროატლანტიკური ინტეგრაციის მისწრაფებებსა და ეკონომიკურ განვითარებას, მათ შორის ვაჭრობის დივერსიფიკაციის საჭიროებებს.
შეხვედრაზე საუბარი წარიმართა აშშ-თან თავისუფალი ვაჭრობის გაფორმების მიზანშეწონილობის კვლევაზე, რომელიც საქართველოს ეკონომიკისა და მდგრადი განვითარების სამინისტროს ინიციატივით PWC-ის მიერ მომზადდა და გადაეცა განსახილველად აშშ-ის მხარეს.
შეხვედრაზე აღინიშნა, რომ საქართველო აშშ-ისთვის მნიშვნელოვანი პარტნიორია რეგიონში, ამდენად, აშშ დაინტერესებულია, რომ გაგრძელდეს ეკონომიკური და სტრუქტურული რეფორმები, რომლებიც ხელს შეუწყობს საბაზრო პრინციპებზე დაფუძნებული ეკონომიკური სისტემის განვითარებას. ითქვა, რომ შეერთებული შტატები კვლავაც განაგრძობს საქართველოს მხარდაჭერას რეფორმების მიმდინარეობის მიმართულებით, რომლის ფარგლებშიც სავაჭრო კავშირების გამყარება ერთ-ერთი პრიორიტეტია.
1403
2 99 11 11
2 99 11 61
2 99 11 70